عصيرات متنوعة بالصور

بسم الله الرحمن الرحيم
السلام عليكم ورحمة الله وبركاته


بمناسبة قدوم شهر رمضان اهديكم هالعصيرات وكل عام وانتم بخير



عصير الايس الكريم


المقادير


عصير جوافة..

سفن أب

ايس كريم

كريمه

هرشي شوكليت

مكعبات ثلج

الطريقة:::::::::
بالخلاط..


نخلط مكعبات الثلج والايس الكريم الجوافه على سرعة عالية ونصبها في نصب الكوب والباقي يكون بالسفن أب يعني السفن أب اخر شي مباشرة عالكوب..

ثم تزين بالكريمه والهرشي


اذا استخدمتي ايس كريم بالفانيلا مثلا حطي الكريمه البيضاء

واذا استخدمتي ايس الكريم بالشكولاته استخدمي الكريمه البنيه انا استخدمت هالمره بالشكوليت..



مممممممممم وبالعافية عصير مميز للضيوف..


عصير الليمون بالنعناع

حزمة نعناع طازج

عصير ليمون جاهز


سفن أب


مكعبات ثلج


يخلط النعناع مع الليمون بالخلاط بسرعة عاليه ثم يصب في نصف الكوب والباقي يكمل بالسفن أب..ونضع مكعبات الثلج في النهاية..



( عصير النعناع بالليمون انا صلحته روووووووعة طعمة جربوه ))))))))


عصير بالفواكه المعلبة


مكعبات ثلج (كثري)

عصير الليمون بالكيوي(جاهز)

علبه فواكه مشكله

كريمه

هرشي صوص بالفراوله

نخلط العصير مع الفواكه وقبل الخلط حبات الكرز نشيلها من الفواكه للزينه


بعد الخلط نصبها في الاكواب وتزين بالكريمه البيضاء وحبات الكرز وصوص الفراوله..



عصير بلو سكايز
ايس كريم ابيض

شراب الكاديه الازرق

علبه اناناس

ملعقة من بودرة جوز الهند

نخلط المقادير كلها بالخلاط ماعدا الكاديه ..

نصبها في الاكواب ثلاثة ارباع الكوب والربع الاخير كاديه ونضيف مكعبات ثلج



اتمنى العصيرات عجبتكم...جربوها وكل وحده ترد وتقول العصير اللي عجبها